Narahat etməyin

Pandemiya səbəbindən işini itirən Ayzek uzun illər bərələrdə ofisiantlıq etdikdən sonra çətin günlər keçirir. Həyatını nizama salmaq və yenidən ayağa qalxmaq istəyən qəhrəman sakit bir oteldə gecə növbəsi üzrə inzibatçı vəzifəsinə düzəlir. O, vəzifəsini vicdanla yerinə yetirib qonaqlara yüksək səviyyədə xidmət göstərəcəyinə və rahat bir növbə keçirəcəyinə ümid edir.

Lakin elə ilk iş gecəsində sakitlik arzusu puç olur. Otelə gələn qeyri-adi qonaqlar və gözlənilməz hadisələr zənciri Ayzekin növbəsini əsl xaos meydanına çevirir. Yaranan qəribə vəziyyətləri yoluna qoymaq cəhdləri isə gecəni daha da mürəkkəbləşdirir.

2023-cü il istehsalı olan «Narahat etməyin» (Do Not Disturb: Ayzek ile Bir Gece) Türkiyə komediya-dram filminin rejissoru Cem Yılmazdır. Ekran əsərində baş rolları Cem Yılmaz, Ahsen Eroğlu, Celal Kadri Kınoğlu və Özge Özberk canlandırıb.