Rubinin seçimi

Qoca Rubi demensiya xəstəliyindən əziyyət çəkir və artıq təkbaşına yaşamaqda çətinlik çəkir. Unutqanlığı ucbatından baş verən yanğın evini külə çevirəndə o, qızı Şeronun ailəsinin yanına köçməli olur. Evdə yer az olduğundan yeniyetmə nəvəsi Teş otağını nənəsi ilə bölüşmək məcburiyyətində qalır.

Bu vəziyyət gənc qızın xoşuna gəlmir və o, ilk vaxtlar nənəsinə qarşı yalnız güclü qıcıq və utanc duyur. Lakin eyni məkanda günlərlə birgə vaxt keçirmək bu iki nəslin nümayəndəsini bir-birinə yaxınlaşdırır. Nənə ilə nəvənin münasibətləri bütün ailənin daxili ab-havasını dəyişməyə başlayır.

2022-ci il istehsalı olan «Rubinin seçimi» (Ruby's Choice) adlı Avstraliya filmi dram və komediya janrlarını birləşdirir. Ekran əsərinin rejissoru Maykl Badddır, əsas rolları isə Ceyn Seymur, Jaklin Makkenzi, Sem Rekner və Koko Cek Gillis canlandırıblar.