Səfillər

Bir tikə çörək oğurladığına görə təxminən iyirmi il katorqada qalan Jan Valjan azadlığa çıxdıqdan sonra ona sığınacaq verən keşişin gümüş əşyalarını oğurlayır. Lakin keşiş jandarmlara həmin əşyaları və şamdanları ona özü bağışladığını bildirərək Valjanı xilas edir. Bu gözlənilməz mərhəmət keçmiş məhbusun düşüncələrini büsbütün dəyişir; o, adını dəyişərək fabrik sahibi və şəhər meri olur, həyatını xeyirxah işlərə həsr edir.

Keçmiş illərin kölgəsi şəhərə müfəttiş Javerin gəlişi ilə yenidən boy göstərir. Katorqadan tanıdığı Valjanı ifşa etmək istəyən inadkar polis onu addım-addım təqib etməyə başlayır. Eyni zamanda Valjan dünyasını dəyişmiş Fantinanın yetim qalmış qızı Kozettanı övladlığa götürür. Uşaqla birlikdə təqibdən qaçmağa çalışan qəhrəmanın köhnə düşməni ilə son qarşılaşması 1848-ci il inqilabı dövrünə təsadüf edir.

1978-ci ildə Böyük Britaniyada çəkilmiş bu tarixi dram filminin rejissoru Qlenn Cordandır. «Səfillər» ekran əsərində baş rolları Riçard Cordan, Entoni Perkins, Siril Kyusak və Klod Dofen canlandırıblar.