Çərpələng

Livan kəndində böyüyən gənc qız sərt ailə və dini adətlərin tələbi ilə üz-üzə qalır. Qohumları onu sərhədin o tayında, İsrail tərəfində yaşayan uzaq qohumuna ərə vermək qərarına gəlirlər. Həssas və savadlı bir insan olan gələcək ər də bu məcburi izdivaca boyun əymək məcburiyyətində qalır.

Lakin gənc qızla sərhəd postundakı israilli əsgər arasında qarşılıqlı hisslər yaranır və hadisələr gözlənilməz məcraya yönəlir. Baş qəhrəman sevmədiyi biri ilə evlənməkdən və doğma evini tərk etməkdən qətiyyətlə imtina edir. O, anasını, balaca qardaşını, məktəbini və sevimli çərpələngini geridə qoymaq istəmir.

«Çərpələng» (Le cerf-volant) dram filmi 2003-cü ildə Fransa və Livanın birgə istehsalı kimi ekranlara çıxıb. Rejissoru Randa Çahal Sabbağ olan ekran əsərində baş rolları Flavia Behara, Maher Bsaibes, Randa Asmar və Renée Dick canlandırıblar.