Ağ meymunlar haqqında düşünmə

Gənc və iddialı barmen Vova həyatda hər şeyi pulla ölçməyə alışıb. Gələcək qayınatası olan nüfuzlu iş adamı Qavrıliç ona zirzəmini restorana çevirməyi tapşırır, qalmaq üçün isə binanın yararsız çardağını verir.

Lakin çardaqda heç gözləmədiyi üç nəfər məskunlaşıb: qeyri-adi Darya, içkiyə qurşanmış rəssam Gena və Xu-Pun ləqəbli qəribə bir adam. Vova təmir işlərində onlardan ucuz işçi kimi istifadə etmək istəyir. Bu insanlarla ünsiyyət onun dünyagörüşünü büsbütün dəyişir; o, sənətin, şəhər mənzərələrinin dəyərini anlayır, sevgi ilə şəhvət arasındakı fərqi görür və köhnə rahat həyatı alt-üst olur.

«Ağ meymunlar haqqında düşünmə» filmi 2008-ci ildə Rusiyada rejissor Yuri Mamin tərəfindən çəkilib. Komediya və dram janrındakı ekran əsərində baş rolları Mixail Tarabukin, Katerina Ksenyeva, Aleksey Devotçenko və Ənvər Libabov canlandırıb.