Xadimə

Qapalı xarakterli Rakel artıq iyirmi üç ildir ki, varlı Valdes ailəsinin evində qulluqçuluq edir. Evin xanımı Pilar məişət işlərinə kömək üçün başqa bir işçi götürmək qərarına gəldikdə, Rakel bunu öz yerinə təhlükə kimi qəbul edir. İllərini bu evə həsr etmiş qadın işini itirməkdən qorxmağa başlayır.

Öz mövqeyini qorumaq istəyən Rakel evə gələn yeni köməkçiyə qarşı amansız psixoloji mübarizəyə girişir və onu qovmağa çalışır. Əyalətdən gələn şən və mehriban Lüsinin gəlişi isə bu gərgin vəziyyəti dəyişir. Lüsi tədricən soyuq xasiyyətli Rakellə dil tapmağı bacarır və onun həyata baxışına təsir göstərir.

2009-cu ildə Çili və Meksika kinematoqrafçıları tərəfindən ərsəyə gətirilmiş «The Maid» («Xadimə») filminin rejissoru Sebastyan Silvadır. Ekran əsərində baş rolları Katalina Saavedra, Klaudiya Seledon, Mariana Loyola və Andrea Qarsiya-Uidobro canlandırıblar.