Thank You

Gənc proqramçı Abhiram öz mobil tətbiqini istifadəyə vermək və tanıtmaq məqsədilə ABŞ-a yollanır. Sevgilisi Priyanın göstərdiyi maddi və mənəvi dəstək sayəsində o, uğurlu bir şirkət quraraq böyük sərvət qazanır. Lakin qəfil gələn bu nailiyyət gəncin xasiyyətini mənfi tərəfə dəyişir.

Zaman keçdikcə təkəbbürlü və soyuqqanlı bir insana çevrilən Abhiram bütün qələbələri yalnız öz adına çıxmağa başlayır. Hədsiz eqoizm onun Priya ilə münasibətlərini sarsıdır. Həyatında dərin böhran yaşayan qəhrəman keçmişinə nəzər salaraq vaxtilə ona kömək əli uzatmış insanları tapıb onlara minnətdarlığını bildirmək qərarına gəlir.

2022-ci il istehsalı olan «Thank You» dram filmi Hindistan kinematoqrafçıları tərəfindən lentə alınıb. Ekran əsərinin rejissoru Vikramdır, əsas rolları isə Naqa Çaytaniya, Raşi Khanna, Prakaş Rac və Avika Qor canlandırıb.