Mezoninli ev

Tanımadığı yerlərdə gəzintiyə çıxan rəssam təsadüfən bir malikanənin yaxınlığına gəlib çıxır. Darvazanın qarşısında o, iki gözəl bacını görür. Çox keçmədən qəhrəman qızlar və onların anası ilə tanış olur, bu evə tez-tez baş çəkməyə başlayır. Vaxt keçdikcə kiçik bacı Jenya ilə onun arasında qarşılıqlı duyğular yaranır.

Ailədə bütün məsuliyyəti və qərarları öz üzərinə götürən böyük bacı Lidiya isə bu yaxınlaşmadan narazı qalır. O, rəssama qarşı ilk andan soyuq münasibət bəsləyir. Qətiyyətli addım atan Lidiya Jenya ilə rəssamın bir yerdə olmasına mane olmaq qərarına gəlir.

«Mezoninli ev» dram filmi 1961-ci ildə SSRİ-də rejissor Yakov Bazelyan tərəfindən çəkilib. Baş rolları Sergey Yakovlev, Ninel Mışkova, Larisa Qordeyçik və Olqa Jizneva canlandırıblar.