Qızılgül yatağı

Gül dükanının sahibi olan Luis keçmişdə hamilə həyat yoldaşını itirərək ağır kədərlə üzləşib. Bir gün pəncərədə ağlayan Liza adlı tanış olmayan qadını görən Luis ona adsız gül dəstəsi göndərir. Həmişə işlərlə məşğul olan Liza bu qəribə hədiyyənin kimdən gəldiyini anlamağa çalışır və nəhayət onun izinə düşür. Luisin evi qızılgüllərlə bürüyən diqqəti qarşısında təsirlənən qadın onunla görüşməyə razılıq verir və aralarında isti münasibət yaranır.

Bir-birinə bağlanan cütlük evlilik barədə düşünməyə başlayır. Lakin Lizanın yetimlik illəri, analığının erkən ölümü və içki aludəçisi olan ögey atasının zorakılığı onun qəlbində sağalmaz izlər qoyub. Qadın bu cür xoşbəxtliyə inanmaqda çətinlik çəkir, qorxuları isə yeni sevgini sınağa çəkir.

ABŞ istehsalı olan «Qızılgül yatağı» (Bed of Roses) melodramı 1996-cı ildə rejissor Maykl Qoldenberq tərəfindən lentə alınıb. Filmin baş rollarında Kristian Sleyter, Meri Stüart Masterson, Pamela Adlon və Coş Brolin çəkiliblər.