Nitham Oru Vaanam

Obsessiv-kompulsiv pozuntudan əziyyət çəkən Arjun adlı gənc qapalı bir həyat sürür və rahatlıq zonasından kənara çıxmamağa çalışır. Toy ərəfəsində sevgilisi onu başqa birinə görə tərk edir və bu hadisə gənci ağır depressiyaya salır. Tanış həkim ona dəstək olmaq məqsədilə iki fərqli cütlüyün sevgi hekayələrindən bəhs edən gündəlikləri oxumağı təklif edir.

Qeydləri oxuduqca Arjun özünü həmin hekayələrin içində təsəvvür etməyə başlayır. Lakin gündəliklərin son səhifələrinin cırıldığını görür və hadisələrin necə bitdiyi qaranlıq qalır. Yazılanların sonunu öyrənmək və onların əsl qəhrəmanlarını tapmaq üçün səyahətlərdən qorxan gənc uzaq bir yola çıxmaq məcburiyyətində qalır.

Hindistan istehsalı olan «Nitham Oru Vaanam» dram filmi 2022-ci ildə rejissor R. Karthik tərəfindən lentə alınıb. Baş rollarda Arjun, Aparna Balamurali, Abhirami və Badava Gobi çəkiliblər.