Anamın sağ olduğuna şadam

«Anamın sağ olduğuna şadam» («Je suis heureux que ma mère soit vivante») dram filmi Toma adlı gəncin mürəkkəb taleyindən bəhs edir. Hələ dörd yaşında olarkən doğma anası Cüli onu və ikiyaşlı qardaşını tərk edərək öz arzuladığı həyatı yaşamaq qərarına gəlib. Qardaşlar başqa bir ailə tərəfindən övladlığa götürülüb və yeni soyad altında böyüyüblər.

İyirmi yaşına çatan Toma nəhayət illər əvvəl onları atan anasını tapır və onun Frederik adlı yeddiyaşlı daha bir oğlunun olduğunu öyrənir. Gənc oğlan həm onu böyüdən ögey anası, həm də doğma anası arasında qalaraq gizlicə hər iki evdə yaşamağa başlayır. Qadınların heç biri bu vəziyyətdən xəbərdar deyil və iki ana arasında parçalanmaq gənc üçün çətin bir yükə çevrilir.

Filmin quruluşçu rejissorları Klod Miller və Neytan Millerdir. Əsas rolları Vensan Rotye, Sofi Kattani, Kristin Sitti və İv Verhoven canlandırıblar. Ekran işi 2009-cu ildə Fransada istehsal olunub.