Good Luck Sakhi

Kənd sakinləri Saxi adlı gənc qızın ətrafına yalnız bədbəxtlik gətirdiyinə inanırlar. Bəyin başına gələn qəribə hadisə ucbatından növbəti evlilik cəhdi də uğursuzluqla bitir və bu hadisə qızın kənddəki mənfi şöhrətini daha da artırır.

Bir müddət sonra kəndə atıcılıq akademiyası yaratmaq və istedadlı gənclər tapmaq istəyən ehtiyatda olan polkovnik gəlir. Saxinin uşaqlıq dostu onun şüşə kürəciklərlə oynayarkən göstərdiyi hədəfvurma bacarığını xatırlayaraq onu seçimlərə qatılmağa razı salır. Beləliklə, düşərgəyə qəbul olunan qız taleyini dəyişmək üçün idman atıcılığı məşqlərinə başlayır.

«Good Luck Sakhi» dram filmi 2022-ci ildə Hindistanda rejissor Nageş Kukunur tərəfindən çəkilib. Baş rolları Kirti Sureş, Aadhi, Caqapati Babu və Ramaprabha ifa edirlər.