Underdog

Akira Suenaqa vaxtilə çempionluq kəmərinə çox yaxın olsa da, aldığı ağır məğlubiyyətdən sonra karyerası enişə doğru gedib. İndi o, digər idmançılar üçün sadəcə məşq hədəfi kimi rinqə çıxır və dolanışığını təmin etmək üçün müşayiət xidmətində sürücülük edir. Eyni zamanda yetimxanada böyümüş, cinayət keçmişi olan gənc Ryota Omura və televiziya şousu vasitəsilə nüfuzunu bərpa etmək istəyən komediyaçı Şun Miyaqinin də yolu rinqdən keçir.

Məşqçisi təslim olmuş Akiraya son bir şans kimi komediyaçı Miyaqi ilə nümayiş döyüşünə çıxmağı təklif edir. Lakin bu qarşılaşmanın tək şərti var: həmin görüş başa çatan kimi Akira peşəkar karyerasına birdəfəlik son qoymalıdır. Bu qarşıdurma həyatın dibinə yuvarlanmış qəhrəmanların hər biri üçün öz taleyini dəyişmək cəhdinə çevrilir.

«Underdog» adlı yapon idman dramı 2020-ci ildə rejissor Masaharu Take tərəfindən çəkilib. Filmin əsas rollarını Mirai Moriyama, Takumi Kitamura, Ryo Katsuji və B.T. canlandırıb.