Nəfs məktəbi

Dominik axşam saatlarında bir bara daxil olur və piştaxta arxasındakı gənci görən kimi ətrafdakı hər şeyi unudur. Bu iki insan tamamilə fərqli dünyaların nümayəndələridir: Dominik zəngin və uğurlu bir iş xanımı, gənc isə keçmişi şübhəli olan, intim xidmətlərlə pul qazanan yoxsul biridir.

Qadın onu öz dəbdəbəli mənzilinə gətirir, xaricə səfərlərə aparır və özünə bağlamağa çalışır. Gənc oğlan azadlığa can atıb getsə də, hər dəfə sevgisini etiraf edərək geri qayıdır; lakin bir gün gənc bir qızla evlənmək qərarına gəldiyini bildirir.

Fransa, Belçika və Lüksemburqun birgə istehsalı olan «L' École de la chair» filmi 1998-ci ildə rejissor Benua Jako tərəfindən çəkilib. Ekran əsərində baş rolları İzabel Yupper, Vensan Martines, Vensan Lindon və Marta Keller canlandırıb.