Toy

Nikah mərasimi zamanı təkcə evlənənlər deyil, məclisə toplaşan qonaqlar da şəxsi münasibətlərini sorğulamağa başlayırlar. Bəy bu addımı niyə atdığını anlamağa çalışarkən, salondakı digər cütlüklərin fikrindən tamam başqa suallar keçir.

On ildir evli olanlar boşanmaq barədə düşünür, illər əvvəl ayrılanlar isə yenidən bir araya gəlməyin mümkünlüyünü ölçüb-biçirlər. Qızğın şənlik davam etdikcə dəvətlilərin öz hisslərinə cavab axtarması gözlənilməz və təhlükəli nəticələrə yol açır.

«Mariages!» filmi 2004-cü ildə Fransada rejissor Valeri Qinyabode tərəfindən çəkilib. Komediya və dram janrındakı ekran əsərində baş rolları Matilda Senye, Jan Düjarden, Miu-Miu və Didye Bezas canlandırıblar.