The Cooler

Berni Luts həyatı boyu ardıcıl uğursuzluqlarla qarşılaşan biridir. Las-Veqasdakı kazinolardan biri onun bu xüsusiyyətindən öz xeyrinə istifadə edir: bəxti gətirən müştərilərin uduzması üçün Bernini onların yanına göndərirlər. Üstəlik, qumarxanaya böyük məbləğdə borcu olduğu üçün o, bu işdən asanlıqla uzaqlaşa bilmir.

Ofisiant Natali ilə tanışlıq Berninin taleyini dəyişir. Qadınla başlayan sevgi münasibəti onun uğursuzluğunu aradan qaldırır və o, borcunu demək olar ki, tamamilə ödəyir. Berni sevgilisi ilə birlikdə şəhəri tərk etməyə hazırlaşır, lakin kazino meneceri Şelli və mafiya nümayəndələri onu belə asanlıqla buraxmaq niyyətində deyillər.

ABŞ istehsalı olan «The Cooler» dram filmi 2003-cü ildə təqdim edilib. Ekran əsərinin rejissoru Ueyn Kreymərdir. Baş rolları Uilyam H. Meysi, Alek Bolduin, Mariya Bello və Şon Hetosi canlandırıblar.