Mənim ən yaxşı dostum

Hadisələr tələbə mühəndislik layihələrinin istehsalatda geniş tətbiq olunduğu altmışıncı illərdə cərəyan edir. İstedadlı tələbə Andrey Artamonov qaz sənayesinə fayda verə biləcək kurs işinin müdafiəsində gözlənilmədən uğursuzluğa düçar olur. Səhvlərini qəbul etməyə imkan verməyən qüruru ucbatından o, hazırladığı cizgiləri zibilə atır və layihəni unutmağa çalışır.

İnstitutu bitirdikdən dörd il sonra keçmiş yenidən onun qarşısına çıxır. Artamonov atılmış vərəqləri xatırlamağa və çətin bir seçim etməyə məcbur qalır. O, Moskvadakı uğurlu karyera ilə saralmış kağız parçaları arasında qərar verməlidir.

«Mənim ən yaxşı dostum» tarixi dram filminin rejissoru Elina Sunidir. 2017-ci il istehsalı olan bu Rusiya filmində baş rolları Marqarita Kutovaya, Yuri Polyak, Vladimir İlyin və Anton Kapanin canlandırıb.