Not çevirən qadın

Qəssab ailəsində böyüyən istedadlı Melani konservatoriyaya qəbul olunmağa hazırlaşır. İmtahan uğurla keçə bilərdi, lakin münsiflər heyəti sədrinin kobud davranışı gənc qızın diqqətini dağıdır və o, müsabiqədən kəsilir. Bu hadisə onun musiqi karyerası ilə bağlı arzularını yarımçıq qoyur.

Aradan on il keçir. Artıq gənc qadın olan Melani böyük səhnələrdə tanınmış musiqiçilərin çıxışı zamanı not vərəqlərini çevirən köməkçi kimi işləyir. O, illər əvvəl xəyallarını məhv etmiş həmin qadınla yenidən qarşılaşır və keçmişin əvəzini çıxmaq üçün əlverişli fürsət qazanır.

Fransa istehsalı olan «La tourneuse de pages» filmi 2006-cı ildə rejissor Deni Derkur tərəfindən çəkilib. Psixoloji dram və triller janrında olan layihənin baş rollarında Ketrin Fro, Debora Fransua, Paskal Qreqqori və Klotild Molle çıxış edirlər.