Sebbe

On beş yaşlı Sebbe anası ilə birlikdə kiçik bir mənzildə yaşayır. Maddi çətinliklərlə üzləşən və həyatda uğur qazana bilməyən ana tez-tez əsəbini oğlunun üstünə tökür. Bütün bu haqsız rəftara baxmayaraq, yeniyetmə anasını sevməyə və ona bağlı qalmağa davam edir.

Evdəki gərginlikdən başqa, həmyaşıdlarının bitmək bilməyən təhqirləri də oğlanın gününü zəhərə çevirir. Təzyiqlərdən uzaqlaşmaq üçün o, yerli zibilxanaya üz tutur və orada atılmış köhnə texnikanı təmir edərək onlara yeni nəfəs verir. Lakin sinif yoldaşlarının alçaldıcı hərəkətləri həddi aşanda, Sebbe öz bacarığından müdafiə məqsədilə istifadə etmək qərarına gəlir.

«Sebbe» adlı İsveç istehsalı dram filmi 2010-cu ildə rejissor Babak Nacafi tərəfindən ekranlaşdırılıb. Əsas rolları Sebastyan Hiort af Ornas, Eva Melander, Kenni Volbrink və Emil Kadebyu canlandırıblar.