Gulabo Sitabo

Lakhnau şəhərində yerləşən qədim və baxımsız malikanə yaşlı bir qadına məxsusdur, lakin oradakı bütün işlərə onun xəsis əri Mirzə Nəvab nəzarət edir. Otaqları kirayələyən sakinlər ödənişləri vaxtında verməkdən yayınırlar. Ən böyük narazılıq isə kirayə haqqını ödəməmək üçün davamlı bəhanələr axtaran yoxsul kirayəçi Banki Rastoqi ilə yaşanır.

Məişət zəminində başlayan bu narazılıq tezliklə tərəflər arasında sərt mübarizəyə çevrilir. Borcunu tələb edən ev sahibi heç də asanlıqla geri çəkilmək istəməyən bir rəqiblə üzləşir. Yaşlı kişinin təzyiqlərindən canını qurtarmaq istəyən Banki dövlət memarı ilə əlbir olaraq mülkə nəzarət hüququnu qocanın əlindən almaq üçün plan qurur.

«Gulabo Sitabo» komediya-dram filmi Hindistan kinematoqrafçıları tərəfindən lentə alınıb və 2020-ci ildə nümayiş olunub. Rejissor Şucit Sirkarın ekranlaşdırdığı layihədə baş rolları Amitabh Baççan, Amuşmann Xurrana, Vicay Raaz və Bricendra Kala canlandırıb.