Hər sevən ürək

Müğənni olmaq istəyən Raca Qoadan Mumbaya köçərək sənət aləmində özünə yol açmağa çalışır. Bir gün o, ağır yol qəzasına düşən zəngin ailənin qızı Pucanı ölümdən xilas edir. Gənc oğlan qızı vaxtında xəstəxanaya çatdırsa da, zərərçəkən komaya düşür və vəziyyəti təhlükəli olaraq qalır.

Pucanın ailəsi Racanı qızlarının əri hesab edir, o isə məşhurlaşmaq xəyalı ilə bu yalanı təkzib etmir. Çox keçmədən xəstəxanaya qızın yaxın rəfiqəsi Canvi gəlir və Raca ilə onun arasında qarşılıqlı sevgi yaranır. Komadan ayılan Puca isə öz növbəsində Racaya xüsusi diqqət göstərməyə başlayır və oğlanın qarşısında həm evlilik, həm də karyera qurmaq imkanı yaranır.

"Hər sevən ürək" musiqili melodram filmi 2000-ci ildə Hindistanda rejissor Rac Kanvar tərəfindən çəkilib. Layihədə əsas rolları Salman Xan, Priti Zinta, Rani Mukherci və Raciv Verma canlandırıblar.