Növbəti

Olivia ağır xəstəlikdən əziyyət çəkən qızının müalicə xərclərini qarşılamaq üçün gecə növbəsində çağrı mərkəzində işə düzəlir. Şirkətin yerləşdiyi köhnə bina hələ də təmir vəziyyətindədir. İş vaxtı qadın xətdə qəribə küy və səslər eşitməyə başlayır, bir qədər sonra isə yarımçıq mərtəbələrdən birində tək qalmış naməlum balaca qızla rastlaşaraq ona çölə çıxmağa kömək edir.

Bu hadisədən sonra Olivianın öz övladı gözlənilmədən sağalmağa doğru gedir. Lakin uşağın davranışlarında dərhal şübhəli və qorxulu dəyişikliklər nəzərə çarpır. «Sunod» adlı bu qorxu filmində ananın yaşadığı sirli təcrübələr tədricən ailəsini əhatə edən vahiməyə çevrilir.

Filippin istehsalı olan dramatik qorxu ekran işini 2019-cu ildə rejissor Karlo Ledesma lentə alıb. Əsas rolları Karmina Vilyarroel, Milen Dizon, Krystal Brimner və Red Bustamante canlandırıb.