Bədən Kralı və Qəlb Kraliçası

Gautam işsiz gəncdir və anasının gedişindən sonra yaranan uşaqlıq travması səbəbindən insanlara inanmaqda çətinlik çəkir. Tez-tez qəzəbini cilovlaya bilməyən bu gənc ziyafətlərin birində azad ruhlu və varlı ailədən olan Tara ilə rastlaşır. Qız artıq ailə dostu Rohitlə nişanlanıb. İlk görüşlərində xoşagəlməz hadisə baş versə də, onların arasında qısa müddətdə qarşılıqlı sevgi hissi yaranır.

Cütlüyün romantik münasibətləri sürətlə inkişaf edir. Lakin Gautamn kəskin xarakteri və sevdiyi qadına qarşı sahiblənmə meyli yeni başlayan sevgini təhlükə altına qoyur. Gəncin öz hisslərini idarə edə bilməməsi aralarındakı bağı sınağa çəkir.

Hindistan istehsalı olan «Ispade Rajavum Idhaya Raniyum» dram filmi 2019-cu ildə nümayiş olunub. Ekran əsərinin rejissoru Ranjit Jeyakodidir. Əsas obrazları Harish Kalyan, Şilpa Mancunatx, Makapa Anand və Bala Saravanan canlandırıblar.