Digər Düma

1848-ci ildə məşhur fransız yazıçısı Aleksandr Düma və onun kölgədə qalan həmmüəllifi Oqyust Make növbəti əsər üzərində birgə çalışırlar. Həbsdəki atasını xilas etmək istəyən gənc Şarlotta Deriv kömək ümidi ilə ustadın evinə gəlir. Həkim olan atası siyasi baxışlarına görə zindana salınıb və qız Dümanın nüfuzuna güvənir.

Təsadüf nəticəsində Şarlotta qarşısındakı utancaq Makenin əsl yazıçı olduğunu düşünür. Romanların əsl müəllifi olduğuna inanan köməkçi isə gənc və cazibədar qonağı bu yalnış fikrindən daşındırmamaq qərarına gəlir və oyunu davam etdirir.

Fransa istehsalı olan «L'autre Dumas» tarixi dram filmi 2009-cu ildə rejissor Safi Nebbu tərəfindən çəkilib. Əsas rolları Jerar Depardye, Benua Pulvord, Dominik Blan və Melani Tyerri canlandırıblar.