Benvenuta

Gənc ssenarist iyirmi il əvvəl qələmə alınmış məşhur romanın arxasındakı real həqiqətləri öyrənmək üçün tanınmış qadın yazıçı ilə görüşür. Müəllifin dilindən səslənən xatirələr getdikcə keçmişin unudulmuş anlarını canlandırır.

Söhbət zamanı dinləyicinin xəyalında gənc pianoçu qadınla yaşca böyük, xarizmatik italyan kişinin sevgisi canlanır. Qadın sevgilisinin yalanlarını və səmimiyyətsizliyini dərk etsə də, onun cazibəsindən qurtula bilmir və bu çətin bağları qırmağa gücü çatmır.

1983-cü ildə ekranlara çıxan «Benvenuta» filmi rejissor Andre Delvo tərəfindən çəkilib. Fransa, İtaliya və Belçikanın birgə istehsalı olan bu melodramda baş rolları Fanni Ardan, Vittorio Qassman, Fransuaza Fabian və Matyo Karryer ifa ediblər.