Trans

Kanyakumaridə yaşayan Viju Prasad maddi sıxıntılarla mübarizə aparan ateist motivasiya natiqidir. Qardaşının intiharından sonra ağır sarsıntı keçirən Viju həyatında yeni səhifə açmaq üçün Mumbaya köçür.

Yeni şəhərdə onun natiqlik bacarığı nüfuzlu bir biznes qrupunun diqqətini çəkir. Şirkət nümayəndələri Vijunu təlimdən keçirərək inanclı insanlardan pul toplamaq üçün saxta xristian pastoruna çevrilməsini təklif edirlər. Gəlirli sövdələşməni qəbul edən qəhrəman yeni kimliyə bürünür və kommersiyalaşmış dini biznesin əsas fiqurlarından birinə çevrilir.

2020-ci il istehsalı olan «Trans» filmi Hindistan kinosunun dram və triller janrında çəkilmiş nümunəsidir. Rejissor Ənvər Rəşidin lentə aldığı layihədə baş rolları Fahad Fasil, Cocu Corc, Qautham Vasudev Menon və Nazriya Nazim canlandırıblar.