Yumurta

Anasının vəfat xəbərini alan şair Yusif uzun illərdir ayaq basmadığı uşaqlıq şəhərinə qayıdır. Kimsəsiz qalmış yarıuçuq evdə onu gənc Alya qarşılayır. Yusif son beş ildə anası ilə birgə yaşayan bu qohumunun varlığından tamamilə xəbərsiz idi. Alyanın ondan tək bir xahişi var: dünyasını dəyişən Zəhranın yerinə yetirə bilmədiyi qurbanlıq vədini oğlu icra etməlidir.

Ziyarətgaha doğru yola çıxan Yusif və Alya qurban üçün münasib heyvan tapmaqda çətinlik çəkirlər. Gecəni dağ gölü yaxınlığındakı bir oteldə keçirməyə məcbur olan yol yoldaşları burada təsadüfən bir toy məclisinin şahidi olurlar. Şənlik ab-havasında bir-birini daha yaxından tanıyan qəhrəmanların münasibətində yeni bir mərhələ başlayır.

«Yumurta» dram filmi Semih Kaplanoğlunun rejissorluğu ilə lentə alınıb. Türkiyə və Yunanıstanın birgə istehsalı olan bu ekran əsəri 2007-ci ildə təqdim edilib. Əsas rollarda Nejat İşler, Saadet Aksoy, Ufuk Bayraktar və Kaan Karabacak çəkiliblər.