UnTrue

Filippindən Gürcüstana köçmüş Mara adlı qadın ağır bədən xəsarətləri ilə yerli polis bölməsinə pənah gətirir. O, həyat yoldaşının qəfil yoxa çıxdığını bildirərək asayiş keşikçilərindən ərinin tapılmasını tələb edir.

Lakin qadının təqdim etdiyi təfərrüatlar hüquq-mühafizə orqanı əməkdaşlarında ciddi şübhələr oyadır. İndi istintaqçılar onun danışdıqlarının həqiqət olub-olmadığını və ya zərərçəkənin bəzi vacib faktları gizlədib-gizlətmədiyini müəyyənləşdirməlidir.

2019-cu il istehsalı olan «UnTrue» filmi Filippin kinosuna məxsus triller və dram janrındadır. Ekran əsərinin rejissoru Siqrid Andrea Bernardo olub, baş rolları Kristina Reyes, Sian Lim və Ren Eskanyo canlandırıb.