Aashayein

«Aashayein» filmi qumar oyunlarına aludə olan Rahul adlı gəncdən bəhs edir. Günlərin birində bəxt onun üzünə gülür və o, böyük bir məbləğ — otuz milyon rupi udur. Maddi vəziyyətini düzəldən Rahul sevgilisi Nəfisəyə evlilik təklifi edir.

Cütlüyün təmtəraqlı nişan mərasimi zamanı Rahul qəflətən huşunu itirərək yerə yıxılır. Həkim müayinəsi qorxunc həqiqəti üzə çıxarır: ona ağciyər xərçəngi diaqnozu qoyulur. Həkimlər gənc oğlana cəmi üç aya yaxın ömrünün qaldığını bildirirlər.

Hindistan istehsalı olan bu dram filmi 2010-cu ildə rejissor Nageş Kukunur tərəfindən çəkilib. Ekran əsərində əsas rolları Con Abraham, Anita Nair, Giriş Karnad və Fəridə Cəlal canlandırıblar.