Romang

Yetmiş beş yaşlı Nam-bon və yetmiş bir yaşlı Me-ca qırx beş ildir ki, evlidirlər. Birlikdə keçirdikləri onilliklər ərzində bir-birlərinə çox bənzəyən bu ahıl cütlüyün hər ikisində demensiya xəstəliyi inkişaf etməyə başlayır.

Zaman keçdikcə xatirələr yavaş-yavaş silinir və həyat onlar üçün daha da dumanlı hala gəlir. Lakin bu vəziyyət illər əvvəl unudulmuş romantik hissləri yenidən oyadır və köhnə sevgilərini fərqli çalarlarla canlandırır.

Cənubi Koreya istehsalı olan «Romang» dram filmi 2019-cu ildə rejissor Li Çhan-qın tərəfindən çəkilib. Melodramın əsas rollarını Li Sun-ce, Çon Yon-suk, Ço Han-çhol və Pe He-son canlandırıb.