Hər şey yaxşıdır

Zəif sağlamlığı və infeksiya təhlükəsi səbəbindən azyaşlı Qoşa bütün ömrünü xəstəxana divarları arasında keçirib və oradan kənara çıxmayıb. Yeganə yaxın dostu Anya qəfil yoxa çıxdıqda isə uşaq təhlükələri unudaraq palatanı tərk etmək qərarına gəlir.

Qoşanın axtarış yolunda yoldaşı isə hələ də uşaq xasiyyətli qalan, səhlənkar kuryer Valera olur. Qəhrəmanlar yeni il ab-havalı qış paytaxtında birgə addımlayır, gözlənilməz sınaqlardan keçir və bu səfər hər ikisinin həyatını büsbütün dəyişir. Onların təsirli macərası ətrafa da mehribanlıq gətirir.

«Все хорошо» filmi komediya və dram janrlarının kəsişməsində lentə alınıb. Layihənin rejissoru Yelena Xazanova olub, əsas rolları isə Yeqor Koreşkov, Mayk Malton, Olqa Lerman və Polina Quxman canlandırıblar. Rusiya istehsalı olan ekran əsəri 2021-ci ildə təqdim edilib.