Dew

Məktəb yoldaşları Pop və Dyu günlərini birgə keçirərək zamanla aralarındakı münasibətin sadəcə dostluq olmadığını anlayırlar. Yeniyetməlik dövrünün bu səmimi hissləri hər iki gənci gözləmədikləri daxili duyğularla üz-üzə qoyur.

Lakin sevgilərini sərbəst yaşamaq onlar üçün asan deyil. Yaşadıqları dövrün cəmiyyəti eynicinsli münasibətlərə qarşı dözümsüz yanaşdığından, gənclər ətrafdakı insanların qınağı və qadağaları ilə qarşılaşmalı olurlar.

Tayland istehsalı olan «Dew» filmi 2019-cu ildə romantik dram janrında çəkilib. Ekran əsərinin rejissoru Çukiat Sakvirakul, baş rol ifaçıları isə Pavat Çittsavanqdi, Sadanont Duronqkavaroyana, Sukollavat Kanarot və Darisa Karnpoddur.