İfşa

İki ailə arasındakı münasibətlər kiçik bir uşağın səsləndirdiyi ağır ittihamdan sonra sınağa çəkilir. Sənədli film rejissoru Emili və jurnalist Denninin dörd yaşlı qızı, yerli siyasətçi Coel ilə xanımı Bekin doqquz yaşlı oğlu tərəfindən seksual xarakterli nalayiq hərəkətlərə məruz qaldığını bildirir. Bu xəbəri eşidən oğlanın valideynləri deyilənlərin əsassız olduğunu sübut etmək məqsədilə xəbərdarlıq etmədən qarşı tərəfin evinə gəlirlər.

Baş verənləri dinc və mədəni şəkildə aydınlaşdırmaq cəhdi tezliklə çıxılmaz vəziyyətə düşür. Tərəflər öz övladlarını qorumağa çalışdıqca qarşılıqlı inamsızlıq daha da dərinləşir və adi söhbət barışmaz bir qarşıdurmaya çevrilir. Hər iki cütlük öz mövqeyini müdafiə etməyə çalışarkən gərginlik getdikcə artır.

«Disclosure» dram filmi 2020-ci ildə Avstraliyada rejissor Maykl Bentem tərəfindən çəkilib. Layihənin əsas rollarında Ceraldina Heykvill, Mark Leonard Vinter, Matilda Ricvey və Tom Ren çəkiliblər.