Sullu

Səkkizyaşlı dəcəl Citu maddi çətinliklərlə üzləşən bir ailədə böyüyür. O, anasının həddindən artıq qayğısından və sərt atasının qəzəbli davranışlarından sıxılır. Xalası və əmisi uşaqları ilə gizlənpaç oynayarkən boş bir evdəki şkafın içinə girən uşaq, qapının arxadan bağlanması nəticəsində tələyə düşür.

Dar məkanda tək qalan balaca Citu böyük bir qorxu içində sağ qalmaq uğrunda mübarizə aparır. "Sullu" filmi təsadüfi bir oyunun necə gözlənilməz sınağa çevrilməsindən bəhs edir.

2019-cu ildə çəkilmiş Hindistan istehsalı olan dramatik trillerin rejissoru Vişnu Bharadvacdır. Baş rolu Vasudev Saciş Marar canlandırıb, digər obrazlarda isə Vicay Babu və Anu Mol çıxış edirlər.