İstiotun tamı

Atasının vəfatından sonra Honkonqda yaşayan gənc qadın heç vaxt görmədiyi iki bacısının olduğunu öyrənir. Qohumlardan biri Tayvanda, digəri isə materik Çində məskunlaşıb. Atalarından qalan böyük borcları ödəmək məqsədilə üç qadın bir araya gələrək ailənin restoran işini birlikdə idarə etmək qərarına gəlirlər.

Ümumi işi davam etdirmək o qədər də asan olmur, çünki bacıların hərəsinin öz şəxsi qayğıları var. Tayvandakı bacı anası ilə olan gərgin və zəhərli münasibətlərdən əziyyət çəkir. Çində yaşayan dəb həvəskarı digər bacı isə onu tezliklə ərə vermək istəyən nənəsinin daimi təzyiqləri ilə üz-üzə qalır.

2019-cu ildə nümayiş olunan «Faa zui zi mei» («İstiotun tamı») dram filmi Çin və Honkonq kinematoqrafçılarının ortaq layihəsidir. Ekran işinin rejissoru Heyvard Makdır, əsas obrazları isə Semmi Çen, Meqan Lay, Li Syaofen və Endi Lau canlandırıblar.