Ghasr-e Shirin

Ailəsi dağıldıqdan sonra Cəlal uşaqlarını keçmiş həyat yoldaşının himayəsində qoyub uzaqlaşmışdı. Qadının qəfil vəfatı uşaqları kimsəsiz qoyur və ata yenidən onların yanına qayıtmaq məcburiyyətində qalır. Cəlal bu ağır itkidən sonra gələcək addımlarını necə atacağını və övladlarının həyatını necə quracağını anlamağa çalışır.

Çıxılmaz vəziyyətə düşən ata uşaqları dərhal öz yanına götürməyə cəsarət etmir. Çünki vaxtilə analarının uşaqlar üçün xəyal edib çəkdiyi o nağılvari qəsri Cəlal hələ də inşa edib başa çatdıra bilməyib.

İran istehsalı olan «Ghasr-e Shirin» dram filminin rejissoru Reza Mirkarimidir. 2019-cu ildə çəkilən ekran əsərində baş rolları Hamed Behdad, Zhila Shahi, Azadeh Nobahari və Niousha Alipour canlandırıb.