Zoya Faktoru

Zoya Sinqh Solankinin dünyaya gəldiyi gün Hindistan milli kriket komandası 1983-cü il dünya çempionatında tarixi qələbə qazanmışdı. Atası qızının əsl uğur rəmzi olduğuna inansa da, böyüdükdən sonra Zoyanın həyatı heç də rəvan getmir. Gənc qadın nə şəxsi münasibətlərində xoşbəxtlik tapa bilir, nə də çalışdığı reklam agentliyində böyük nailiyyətlər əldə edir.

Xidməti tapşırıq sayəsində o, milli komandanın çəkilişlərinə yollanır və burada komandanın kapitanı Nikhillə tanış olur. Səhər yeməyi əsnasında Zoyanın doğum tarixi barədə dediyi sözlər mövhumatçı oyunçularda böyük maraq oyadır. Komanda üzvləri meydandakı uğurları məhz onun gəlişi ilə bağlayırlar, lakin kapitan Nikhil qələbənin yalnız gərgin məşqlər nəticəsində qazanıldığına inanır.

2019-cu il Hindistan istehsalı olan «Zoya Faktoru» filminin rejissoru Abhişek Şarmadır. Ekran əsərində baş rolları Sonam Kapur, Dulkar Salman, Sancay Kapur və Shoaib Ahmed canlandırıblar.