Goyenda Junior

Valideynlərini avtomobil qəzasında itirən on altı yaşlı Bikram qohumlarının yanında qalır və vaxtını xəfiyyə kitabları oxumaqla keçirir. Yeniyetmənin əmisi polislə əməkdaşlıq edir. Bir gün Bikram onun iş yerinə baş çəkərkən iti zəkası və güclü müşahidə qabiliyyəti ilə təcrübəli müstəntiq Sancayın diqqətini cəlb edir.

Çox keçmədən şəhərdə tanınmış bir iş adamı müəmmalı şəkildə həyatını itirir və ilk baxışdan hər şey təbii ölüm kimi görünür. Hadisənin arxasında məharətlə gizlədilmiş cinayət olduğunu anlayan xəfiyyə, rəsmi təhqiqata gənc Bikramı da cəlb etmək qərarına gəlir.

«Goyenda Junior» Hindistan istehsalı olan dram filmidir və 2019-cu ildə nümayiş olunub. Layihənin rejissoru Mainak Bhaumikdir, baş rollarda isə Krishnendu Adhikari, Abanti Mohan Banerjee, Gautam Banerjee və Prantik Banerjee çəkiliblər.