Toxunulmaz

Ginekoloq Su-Man uzun illərdir evli olsa da, şəxsi həyatında ciddi problemlərlə üzləşir. Daxili qorxuları səbəbindən həyat yoldaşı ilə yaxınlıq qura bilmir və bu vəziyyət nikahın pozulmasına gətirib çıxarır. Əri onu tərk edərək mənzili satışa çıxarır, xəstəxana rəhbərliyi isə qadını məcburi məzuniyyətə göndərir.

Çıxılmaz vəziyyətdə qalan Su-Man atasının yanına qayıtmaq məcburiyyətində qalır. Xəstələnən atasını əvəz edərək ailəyə məxsus kiçik yeməkxananın idarəçiliyini öz üzərinə götürür. Mətbəxdə işləyən yeni və cəlbedici aşpazla tanışlıq isə onun həyatında tədricən yeni bir mərhələnin başlanğıcına çevrilir.

2019-cu il Honkonq istehsalı olan «Fei fan suk jyu» dram filminin rejissoru Cessi Tsandır. Əsas obrazları Şarlin Çoy, U Qanjen, Toni Lyu və Sesiliya İp canlandırıblar.