Shadowlands

Zək adlı gənc sosial şəbəkədə bioloji atasından gözlənilməz bir ismarıc alır. Doğma adamı ilə şəxsən görüşmək istəyən gənc dostlarını da yanına alaraq Ölüm Dərəsinə doğru yola çıxır.

Təyin olunmuş məkana çatdıqda isə yoldaşlar bu dəvətin təhlükəli bir tələdən ibarət olduğunu anlayırlar. Üzə çıxan qorxulu həqiqətlər gənclərin heç birinin təsəvvür edə bilməyəcəyi bir duruma səbəb olur.

Kanada istehsalı olan «Shadowlands» filmi 2019-cu ildə ekranlara çıxıb. Triller və qorxu elementlərini birləşdirən layihənin rejissoru Çarli Deviddir, baş rolları isə Nikolas Ceyms Uilson, Cim Qerrou, Çarli Devid və Oskar Moreno canlandırıblar.