Oru Kuttanadan Blog

«Oru Kuttanadan Blog» dram filmi Kuttanad bölgəsində yerləşən Krişnapuram kəndinin gündəlik həyatından bəhs edir. Bütün bu hadisələr yerli sakin Sudhinin internetdə apardığı bloqun yazıları vasitəsilə təqdim olunur. Xaricdə uzun illər yaşayıb varlanmış Hari adlı kənd sakininin dinc ömür sürmək üçün doğma yurduna qayıtması isə yeni yazıların əsas mövzusuna çevrilir.

Kənddə böyük hörmət qazanan Hari tezliklə başqalarının çətinliklərini həll etməyə və gənclərə yol göstərməyə başlayır. Lakin onun artan nüfuzu heç də hamının ürəyincə olmur. Sakinlərin bir qismi onun xeyirxahlığına heyran qalsa da, digərləri Harinin hər işə müdaxilə etməsindən ciddi şəkildə narazı qalır.

Ekran əsəri 2018-ci ildə Hindistanda rejissor Setu tərəfindən lentə alınıb. Baş rolları Mammutti, Nedumudi Venu, Lalu Aleks və Lakşmi Ray canlandırıblar.