Fanni Xan

Gənc qız musiqi istedadını və sənət sevgisini vaxtilə məşhur olmuş ifaçı atasından alıb. O, böyük səhnələrdə oxumaq arzusundadır, lakin zahiri görünüşü səbəbindən vokal yarışmalarında lağa qoyulur və təhqirlərə məruz qalır. İnsanların bu cür münasibəti onun çıxış etmək ümidlərini puç etmək üzrədir.

Lakin fədakar ata övladının xəyallarından vaz keçməsinə razı ola bilmir. Qızının musiqi dünyasında tanınması və istedadını göstərə bilməsi üçün o, olduqca riskli bir yola əl ataraq ölkənin ən məşhur müğənnisini qaçırmağı planlaşdırır.

2018-ci ildə Hindistanda çəkilmiş «Fanney Khan» filmi komediya və dram janrlarını bir araya gətirir. Rejissoru Atul Mandjrekar olan bu ekran əsərində baş rolları Anil Kapur, Ayşvariya Ray Baççan, Racqumar Rao və Divya Dutta canlandırıblar.