Human Nature

Nadir anadangəlmə xüsusiyyət ucbatından bədəni sıx tüklərlə örtülü olan Layla hətta tibb ensiklopediyasına düşüb. İnsanlardan uzaqlaşmaq üçün meşədə məskunlaşan qadın təbiət və insan münasibətləri haqda kitablar qələmə alır. Lakin müəyyən zamandan sonra o, tənha həyatdan yorulur və özünə həyat yoldaşı axtarmaq qərarına gəlir.

O, siçanlara süfrə mədəniyyətini öyrətməyə çalışan pedant alim Natan Bronfman ilə tanış olur. Birlikdə gəzintiyə çıxan cütlük meşədə özünü meymun hesab edən bir şəxs tərəfindən böyüdülmüş vəhşi adamla rastlaşır. Natan bu tapıntıya Paff adını verir və onun fikrini soruşmadan yeni yetirməsini öz nəzəriyyələri əsasında tərbiyə etməyə girişir.

«Human Nature» filmi dram və komediya janrlarını bir araya gətirir. Ekran əsəri 2001-ci ildə rejissor Mişel Qondri tərəfindən ABŞ və Fransa ortaq istehsalı kimi lentə alınıb. Baş rolları Patrisiya Arkett, Tim Robbins, Ris İvans və Rozi Peres canlandırıblar.