Ceyran rəqsi

Yetmiş iki yaşlı Eugenio gəncliyində peşəkar futbolçu olsa da, karyerası boyu bircə dəfə də çempionluq kubokunu qaldıra bilməyib və bu uğursuzluq hələ də ona rahatlıq vermir. Ahıl yaşlarında qocalar klubuna üz tutan sabiq idmançı orada Karmen adlı şən qadınla tanış olur. Eugenio həyatında ilk dəfə kubok qazanmaq ümidi ilə tropik rəqs müsabiqəsinə qatılmaq qərarına gəlir.

Lakin gözlənilmədən tərəfdaşını itirən baş qəhrəman çətin seçim qarşısında qalır. Hədəfinə çatmaq üçün o, həm daxili stereotiplərini kənara qoymalı, həm də ailəsinin bu addımına qarşı çıxan narazılığı ilə mübarizə aparmalıdır.

«El Baile de la Gacela» filmi Kosta-Rikada rejissor İvan Porras tərəfindən lentə alınıb və 2018-ci ildə işıq üzü görüb. Ekran əsərində əsas rolları Marco Antonio Calvo Coronado, Vicky Montero, Patrisio Arenas və Mariya Xose Kallexas canlandırıb.