Sacúdete las penas

«Sacúdete las penas» dram filmi qoca məhbus Qonsalesin kamera yoldaşlarına danışdığı keçmiş xatirələri əsasında 1950-ci illərin Mexiko şəhərini canlandırır. Bu rəvayətin mərkəzində vaxtilə şəhərin ən məşhur rəqqası sayılan və gecə klublarının ulduzuna çevrilən «Frituras» ləqəbli Pepe Qonsales dayanır.

Əyləncə dolu səs-küylü bir gecə Pepenin həyatını alt-üst edir və o, azadlığını itirərək dəmir barmaqlıqlar arxasına düşür. Onu Meksikanın ən qorxunc cəzaçəkmə müəssisələrindən biri olan Lekumberri həbsxanasına uzunmüddətli cəza çəkməyə göndərirlər. Qəddar mühafizəçilərin nəzarəti və ağır şərait altında qalan keçmiş rəqqas bu amansız mühitdə sağ qalmaq üçün yollar axtarır.

2018-ci ildə ekranlara çıxan Meksika istehsalı olan ekran əsərinin quruluşçu rejissoru Andres Ibañez Diaz Infantedir. Filmin əsas rollarını Arturo Barba, Daniela Barcelo, Melissa Barrera və Alejandro Calva canlandırıblar.