Parad

Taleləri fərqli məcralarda inkişaf etmiş üç köhnə dost illər sonra təsadüfən qarşılaşır. Onlardan biri yenicə həbsdən çıxmış uğursuz oğrudur, ikincisi küçələrdə rəssamlıq edir, üçüncüsü isə qadınlara düşkün, macəraçı bir aktyordur. Yaşları xeyli keçmiş bu kişiləri ortaq xatirələrlə yanaşı, həyatdakı daimi uğursuzluqlar bağlayır.

Köhnə yoldaşlar birlikdə bəlkə də sonuncu dəfə ortaq bir macəraya atılmağa qərar verirlər. Onların çıxdığı bu yol müxtəlif insanlarla gözlənilməz görüşlər, həm sevincli, həm də kədərli anlarla zəngin bir səyahətə çevrilir. Keçmişlə üzləşən qəhrəmanlar hər addımda həyatın fərqli tərəflərini yenidən kəşf edirlər.

2018-ci ildə Gürcüstanda çəkilmiş dram və komediya janrındakı «Parad» filminin rejissoru Nino Jvaniyadır. Baş rolları Eka Çavleyişvili, Arçil Kikodze, Quqa Kotetişvili və Tina Laqidze canlandırıblar.