Subira

Gənc Subiranın uşaqlıq illəri Keniyanın Lamu adasındakı mühafizəkar müsəlman icmasında keçir. Anası onu sözəbaxan evdar qadın kimi böyütməyə çalışsa da, atası qızının azad ruhunu dəstəkləyir. O, qızını balıq ovuna aparır və ona üzməyi öyrədəcəyinə söz verir.

Lakin qayığın qəzaya uğraması nəticəsində ata həlak olur və ailə böyük itki ilə üzləşir. Bu hadisədən sonra qıza üzmək qəti şəkildə qadağan edilir. İllər keçib Subira böyüdükdə, onu razılaşdırılmış nikah və köçmək məcburiyyəti gözləyir, lakin o, okeanda sərbəst üzmək arzusundan əl çəkmir.

«Subira» dram filmi 2018-ci ildə Keniyada çəkilib. Ekran əsərinin quruluşçu rejissoru Ravneet Sippy Chadhadır. Baş rollarda Ahmed, Joan Arigi, Audrey və Azza Bakkar çəkiliblər.