Digər hekayə

Psixoloq Yonatan Abadi ailəsi dağıldıqdan sonra İsraili tərk edərək uzun illər Amerikada çalışıb. Günlərin birində keçmiş həyat yoldaşı Tali gözlənilmədən ondan kömək istəyir. Səbəb isə qızları Anatın Şahar adlı gənclə ailə qurmaq qərarına gəlməsidir.

Ananın fikrincə, bu gənc qızları üçün qətiyyən uyğun namizəd deyil. Şahar əvvəllər narkotik asılılığından əziyyət çəksə də, sonradan dinə üz tutub və ultraortodoks icmasına qoşulub. Anat da sevdiyi oğlanın yolu ilə getməyə qərar verib və anası bu nikahın qarşısını almaq üçün əlindən gələni edir.

2018-ci il istehsalı olan «The Other Story» dram filminin rejissoru Avi Neşerdir. İsraildə lentə alınan layihədə əsas obrazları Sasson Qabay, Maya Deqen, Maayan Blum və Natan Qoşen canlandırıblar.