Pinocchio Project

Nanotexnologiya üzrə mütəxəssis Adam Anderson mikroskopik robotların köməyi ilə insan yaddaşını bərpa etməyin yolunu tapır. Məktəbə edilən silahlı hücum nəticəsində qızını itirən alim şəxsi faciəsindən sonra qisas deyil, həll yolu axtarır. O, aqressiyanın qarşısını almaq üçün dövlətin təşkil etdiyi məxfi tədqiqat layihəsinə qoşulur.

İnsandakı qəddarlığın kökünü araşdırmaq məqsədilə Anderson təhlükəli bir təcrübəyə başlayır. Alim öz texnologiyasından istifadə edərək bir psixopatın yaddaş qatlarına daxil olur və onun keçmiş xatirələrini addım-addım tədqiq edir.

Kanada istehsalı olan «Pinocchio Project» fantastik dram filmi 2018-ci ildə ekranlara çıxıb. Ekran əsərinin rejissoru Rey Raqhavandır, baş rolları isə Devid Lyuis, Emili Holms, Makkenzi Qrey və Temmi Gillis canlandırıblar.