Mənim ən yaxşı dostum

Yeniyetmə Lorentso valideynləri və kiçik qardaşı ilə birlikdə Argentinanın Pataqoniya bölgəsindəki sakit bir şəhərdə böyüyür. Ailənin yaxın dostlarının oğlu Kayto onların evinə köçdükdə bu sakit həyat yeni mərhələyə qədəm qoyur. Olduqca utancaq və azdanışan bu gəncə yeni mühitə öyrəşməkdə Lorentso kömək etməlidir.

İki oğlan getdikcə bir-birini daha yaxşı başa düşür və aralarında səmimi dostluq münasibəti yaranır. Lakin Kaytonun xarakteri və keçmişi düşündüklərindən daha mürəkkəb çıxır. Bu tanışlıq Lorentso üçün gözlənilməz sınaqlar və yeni təcrübələr gətirir.

«Mi mejor amigo» adlı dram filmi 2018-ci ildə argentinalı rejissor Martin Deus tərəfindən çəkilib. Baş rolları Anxelo Mutti Spinetta, Lautaro Rodriqes, Gilermo Pfening və Mariana Angileri canlandırıblar.